شسويت إنت فيني؟كيف خليتني احبك؟كيف ملكتني؟
و أنا اللي حالفة ما توطي رجلي درب الغرام
أنا اللي قلت بعيش بهالدنيا وقلبي ملكي
لكن بشوفتك خليتني أنسى كل عهد قطعته على نفسي
ملكتني بطيبك وحبك وحنانك
لين ما قلبي حبك غصبن عني
وصار بحبك يحيى ويموت كل يوم
صار يفرح بشوفتك ويتعذب ببعادك
خليتني ما أشوف غيرك بهالدنيا إنسان
خليتني أغير نظرة العالم بعيوني
صرت اشوف الدنيا أفراح وألوان
بعد ما كنت اشوفها أحزان وظلام
وأنا بين إيديك حبيبي أحس إني بدنيا ثانية
دنيا أنسى فيها كل همومي وكل مر ذقته بحياتي
أحييت بداخلي إحساس كان ميت
إحساس مات وذبل لأنه مالقى من يستاهله
و ألحين هذا هو إحساسي وقلبي بين إيدينك
سوي فيه اللي تبيه بس دخيلك لا تعذبه
حبيبي ... أوعدك أكون لك للوفا والحب عنوان
و أوعدني تكون لي حياتي ودنيتي اللي أعيش فيها
الرئيسية 
